Eustaten datuen arabera, industria jarduera %3 hazi da aurreko urtean: %3,3 Bizkaian eta Araban, eta %2,4 Gipuzkoan. Kautxoaren eta plastikoaren ataletan egon da hazkunde handiena, %7tik gorakoa. Industria kimikoa ere modu nabarmenean handitu du, %5,6ko igoerarekin. Informatika eta optika ataleko produktuen hazkundeak ere lagundu du indize orokorra gora eramaten, %5,5eko igoera izan duelako.
Jarduera apaldu da, ordea, beste hainbat ataletan; emaitza okerrena oihalgintzak izan du, %3ko jaitsierarekin. Ondasunen industriari dagokionez, energia ondasunek gora egin dute (%2,9), eta kontsumo atalekoek ere bai (%2,5); ekipo ondasunek, berriz, ez dute aldaketarik izan 2016ko jarduerarekin alderatuta.
