Industria jarduera %4,1 handitu da maiatzean

GASTEIZ. Arabako, Bizkaiko eta Gipuzkoako enpresak txukun aritu dira maiatzean. Apirilean baino %0,2 gehiago eta iazko maiatzean baino %4,1 gehiago ekoitzi dute. Eustaten arabera, hazkunderik handiena makineria eta garraiorako materialak fabrikatzen dituzten enpresetan igarri dute: %15etik gorakoa, iazko maiatzeko datuekin alderatuta.