Eurostatek aurreratutako datuen arabera, euroguneko inflazioaren urte arteko datua hiru hamarren hazi da apiriletik, %0tik %0,3ra. Zerbitzuek (%1,3), elikagaiek, alkoholak eta tabakoak (%1,2) bultzatu dute prezioen garestitzea. Industria produktu ez-energetikoak ere garestitu dira apiriletik maiatzera (%0,3), baina energia merkatu egin da (%5).
Inflazioaren hazkunde txiki horrek ez du baztertzen erabat deflazio arriskuaren mamua, baina aldentzen du apur bat. Aurreko urteko abenduan, euroguneko inflazio tasak kopuru negatiboa eman zuen lehen aldiz 2009ko urritik, -%0,2 islatu zuenean. Zazpi hilabete lehenago, 2015eko maiatzean, inflazio tasa %0,5ean zen, eta ordutik joera argi bat ezarri zen beherantz.
Eurostatek ekainaren 17an argitaratuko du behin betiko datua, eta aurrerapen hau berresten duen ikusiko da orduan.
