Irabazia %18,4 hazita helburua bete duela onartu du BBVAk

Finantza erakundeko jardueraren eta inbertsioen emaitza baikorren bidez, urtarriletik ekainera bitartean BBVArenirabazi garbia %18,4 hazidela jakinarazi zuen atzo Jose Ignacio Goirigolzarri BBVAko kontseilariak. 2.059 milioi eurora iritsi da, beraz, erakundearen zerga ondorengo emaitza.

Iragarri zuenez, irabazien hazkundea ez da motelduko, aurten bederen. Horren arabera, zerga ondorengo emaitza 2.760 milioi eurokoa izango da abenduan, iaz baino %24 handiagoa. «Emaitzak islatzen du zenbait helburu bete ditugula», onartu zuen Goirigolzarrik.Helburu nagusia da AEBetan egindako erosketak ahalik eta errentagarrien bihurtzea. BNLko partaidetza, berriz, epe laburrean ez dutela handituko jakinarazi zuen.