Irlandan ehuna euroko zerga jarriko diete etxeei

DUBLIN. Etxebizitzen gaineko zerga berria sortu du Irlandako Gobernuak. 2012tik aurrera, etxe bat jabetzan duenak urtean ehun euro ordaindu beharko ditu. Horrela, 160 milioi euro gehiago jasoko ditu Estatuak. Irlandan 1,8 milioi etxejabe daude; 200. 000 inguruk ez dute zerga ordainduko, gutxieneko diru sarreretara iritsiko ez direlako.