IRUDIA. GASTEIZ. PREZIO DUINAK ESKATZEN, LAKUAN

EHNEko kideak Eusko Jaurlaritzaren egoitzaren aurrean bildu ziren atzo, nekazarientzat eta abeltzainentzat kostuak ordaintzen lagunduko dieten prezioak eskatzeko. Sindikatuaren arabera, azken hilabeteotan asko jaitsi dira elikagaien industriak ordaintzen dizkien salneurriak, baina kostuak igo egin dira. Hori dela eta, prezioen behatokia sortzeko eta prezio batzuk finkatzeko eskatu zuten, hala nola 0,50 euro esne litroko, 4,80 euro behiki kiloko edo 6,70 euro arkumeko.