2011. urtea «historikoa» izan zen Volkswagenek Landabenen duen lantegiarentzat. Lortutako emaitzekin «harro» agertu da Patrick Danau zuzendaria. Zergak ordaindu ostean, 58 milioi euro irabazi zituen, 2010ean baino %17 gehiago, eta, 353.353 autorekin, ekoizpena inoiz baino handiagoa izan zen. Batez beste, 5.555 langile aritu ziren enpresan.
Enpresak jakitera eman duenez, diru sarrerak 3.237 milioi eurorenak izan ziren guztira, aurreko urtean baino %6 handiagoak. Horietatik %94 auto salmenten bidez lortu ziren, eta gainerako %6, osagaien salmenten bidez. Inbertsioen kopurua 39,8 milioi eurora murriztu zen. «Kontuan hartu behar da, ordea, Polo berria merkaturatzeko inbertsio gehienak aurreko urteetan egin zirela», azaldu du Danauk.
Europako bigarren autogile nagusia izan zen iaz VW. Guztira 2,35 milioi ibilgailu egin zituen, horietatik %15 Nafarroan.
Iruñeko Volkswagenek 2010ean baino %17 gehiago irabazi du
Ekoizpena inoiz baino handiagoa izan zen; VWek egindako autoen %15 Nafarroan ekoitzi ziren
Iruzkinak
Ez dago iruzkinik
Ordenatu
