Landsdomur Islandiako auzitegi bereziak absolbitu egin du Geir Haarde herrialdeko lehen ministro ohia, Islandiako banku sistemaren 2008ko urriko kolapsoaren erantzukizunik ez zuela izan argudiatuta.
Lau kargu zeuden Haarderen aurka, eta auzitegiak hirutan libre utzi du. Gehienez bi urteko kartzela zigorra jaso zezakeen. Epaitegiak egotzi dio 2008ko egoera aztertzeko ez zuela Ministroen Kontseiluaren bilerarik antolatu; horregatik, ordea, ez du inolako zigorrik izango.
Haarde kontserbadorea (61 urte) 2006-2009 artean izan zen Islandiako lehen ministro.
