Iazko maiatzetik eskuragarri daude 5 euroko billete berriak. 10 eurokoen itxura berrituko du orain Europako Banku Zentralak. Gaur goizean aurkeztu du billete berria, eta irailaren 23tik aurrera hasiko dira erabiltzen.
Europa izena jarri diote bigarren serieari, eta EBZren asmoa da datozen urteetan 20, 50, 100, 200 eta 500 eurokoen itxura ere aldatzea. Billete berriek faltsutzeen aurkako segurtasun handiagoa eskaintzen dutela nabarmendu du.
