Jaurlaritzak 2010ean 1.350 milioi euro zorpetzeko asmoa du

Krisi ekonomikoari aurre egiteko eta zerbitzu sozialei eusteko asmoz, Eusko Jaurlaritzak urteroko zorpetze muga 1.050 milioi euro handitzeko asmoa du -orain arte 300 milioikoa zen-; beraz, datorren urteko aurrekotuen zorpetzea 1.350 milioi eurokoa izango litzateke. Hala ere, Larrialdiko Neurrien Aurrekontu Legearen menpe egongo da neurri hori. Hala jakinarazi du Carlos Agirre Ekonomia eta Ogasun sailburuak gaur, Gasteizen.

Neurri hori aurrera ateratzen bada, 2010ean finantza krisiari aurre egiteko 389,66 milioi euro bideratuko dituztela iragarri du Agirrek. Kopuru horretatik 214,63 milioi euro iraultze gastuetarako izango lirateke. Neurria azaroaren 15a baino lehenago jarri nahi dute abian, Agirrek jakinarazi duenez.

Dena dela, PSE-EEk ez du gehiengo osoa Eusko Legebiltzarrean eta beste taldeekin hitz egin beharko du. PPrekin "lehentasuneko harremana" dauka, eta bien artean gehiengo osoa daukate.