Patxi Lopez Eusko Jaurlaritzako lehendakariak gaur goizean iragarri du aurten 459 milioi euro bideratuko dituztela ekonomia bultzatzeko, 30 milioi euro ikerketa sustatzeko erabiliko dituztela eta 26 milioi euro gazteen kontratazioa bultzatzeko izango direla.
Bilboko Itsas Museoan egindako agerraldian eman du datuen berri. Neurri horiekin 8.500 enpresek onurak izango dituztela jakinarazi du Lopezek.
Ikerketa proiektuak sustatzearen inguruan esan du Araba, Bizkai eta Gipuzkoak ezin dutela "hezkuntzaren eta ikerketaren trena galdu".
Krisiari aurre egiteko "Euskadi eredua" aldarrikatu du. Eredu horrek "kostuak murrizten eta defizita kontrolatzen" lagunduko duela uste du, baina aldi berean "ikerketarako baliabideak dituen eta ekonomia dinamizatzen duen eredua" dela gaineratu du.
