Patxi Lopez lehendakariak iragarri du Europako Inbertsio Bankuak 460 milioi euroko mailegua eman diola Eusko Jaurlaritzari, eta baldintzak "oso onuragarriak" direla.
Lopezek Bergaran (Gipuzkoa) egin ditu adierazpenak, Soraluze enpresaren proiektu berri bat aurkezteko ekitaldian. Bernabe Unda Industria sailburua eta Martin Garitano Gipuzkoako ahaldun nagusia ere bertan izan dira.
Diru laguntza horrek Euskal Herriko ekonomian izango dituen onurak azpimarratu ditu Lopezek eta merkatuetara "lasaitasuna" ekarriko duela. Datozen egunetan hitzartuko da ofizialki.
