JENDETZAK SALATU DU LAN ISTRIPUA

1.500 pertsona inguruk salatu zuten atzo CAFen herenegun izandako lan istripua. Langile batzordeak deituta elkarretaratzea egin zuten enpresa aurrean, Lan istripu gehiagorik ez, hau aldatu behar dugu leloarekin. Lanera zihoala orga-altxatzaile batek harrapatu ostean hil zen Arantxa Mintegi enpresako bulegoetako langilea. Elkarretaratzeaz gain, 24 orduko lanuztea ere egin zuten haren lankideek, herenegundik atzoko 10:00ak arte.