Kaleratzeak eta itxierak

•Naval. Sestaoko ontziolak 360 langiletik 148 kaleratzeko erregulazio dosierra aurkeztu du aste honetan bertan.

•Babcock Power. Enpresaren jabeak, A-Tec austriarrak, Sestaoko lantegiko lan talde osoa kaleratuko du, 350 langile. Baina ixtearen eragina handiagoa izango dela diote sindikatuek, Babcockentzat lan egiten duten enpresek lan karga galduko dutelako. Guztira mila langile inguru geratuko ei dira kalean.

•Asea Brown Boveri (ABB). Trapagarango fabrikako 350 langileetatik 160 kaleratzeko asmoa du multinazionalak, eta beste 24ri ez die kontraturik berrituko. Langileen ordezkariak eta zuzendaritzako kideak erregulazioaren baldintzak negoziatzen jardun dira azken egunotan. Gaurkoa dute azken negoziatzeko azken eguna.

•Nervacero. Siderurgia enpresak Trapagarango lantegian dituen 430 langiletik 80 kaleratzeko asmoa iragarri zuen duela pare bat hilabete. Bi urtean enpresak aurkezten duen hirugarren erregulazioa litzateke.

•PC City. Elektronikako eta informatikako produktuen banaketan liderrak saltoki guztiak itxiko ditu, baita Barakaldoko Megaparken duen ere. 47 langile joango dira kalera.

•Ikea. Azken hilabeteetan 12 langile kaleratu ditu Barakaldoko saltokitik. «Kalera bidegabeak» izan direla salatu dute sindikatuek.

•Saturn. Elektronikako eta informatikako produktuen banatzaileak 27 langile kaleratu ditu Megaparken duen saltokitik .

•Bide onera. Urtarrilaren 1etik, erregulazio neurrien mende daude Barakaldoko kooperatibako 115 langileak; 48 egunez geratu beharko dute etxean.