KALITATEZKO ENPLEGUAREN ALDE

Iruñean eta Gasteizen ordezkarien batzarrak eta mobilizazioak egin zituen atzo LAB sindikatuak, kalitatezko enpleguaren beharra aldarrikatzeko eta azken asteotan iragarri diren kaleratzeak nahiz murrizketak salatzeko. «Murrizketak ez dira beharrezkoak, ez dira krisiaren ondorio. Eskubideak kentzeko erabaki politikoa dago», Ainhoa Etxaide LABeko idazkari nagusiaren ustez. Murrizketekin enplegu gehiago ezabatuko dela ohartarazi du LABek, era berean.