Khodorkovski zauritu egin dute presondegian

Jukos petrolio taldeko presidente ohia Siberia ekialdeko Krasnokamenskeko espetxean (Mongolia eta Txinako mugatik gertu) dago, zortzi urteko zigorra betetzen iazko urritik. Iuri Shmidtek, bere abokatuetako batek, atzo jakinarazi zuen ostegun gauean negozio gizon errusiarrari presondegian eraso egin ziola gazte batek «tresna zorrotz» batekin. Horren ondorioz, ospitalera joan behar izan zuen Khodorkovskik eta jostura puntuak eman behar izan zizkioten.Presondegiko nagusiek garrantzia kendu nahi izan zioten gertakariari.

Khodorkovski gailurrean zenean, Vladimir Putini politikoki aurre egiten saiatu zen. Ondoren, Errusiako Estatuak gogor egin zuen haren aurka milaka miloi dolarreko zerga iruzurra leporatuta. Zortzi urteko espetxe zigorra ezarri zioten Siberian.