Hego Euskal Herriko langileentzat "beste zaplazteko bat" izango da Madrilek onartutako gutxieneko soldataren igoera "eskasa", LABen arabera. Sindikatuak adierazi duenez, Espainiak ez du betetzen Europako Karta Sozialean jasotzen dena; dioenez, Hego Euskal Herrian gutxieneko soldatak "1.100 euro" izan beharko luke.
LABen ustetan, Madrilen neurria "opari bat" da enpresarientzat: "Beste urrats bat da aberastasuna gero eta modu injustuagoan banatzeko eta desberdintasunak areagotzeko", dio sindikatuak.
Gutxieneko soldata 645,3 eurotik 648,6ra igaroko da, eta 2015ean pentsioak %0,25 igoko ditu Espainiako Gobernuak. Gaur onartu du neurria Ministro Kontseiluak.
