Gaur egun euskal ekonomiak "bizitasun handia" duela eta hazkunde maila "inportantea" duela uste du Joseba Madariaga Laboral Kutxako Ikerketa saileko zuzendariak. Ekonomiari buruzko mahai inguru batean azaldu duenez, entitateak joan den uztailean iragarri zuen aurten Araba, Bizkai eta Gipuzkoako BPG barne produktu gordinaren hazkundea %2,9koa izango dela, eta uste horri eusten diote, oraindik ere. 2018. urterako aurreikuspena ere eman zuen orduko hartan Laboral Kutxak, eta %2,7ko hazkundea iragarri.
Azken iragarpen hori, ordea, aldatu egin daitekeela uste du Madariagak, aurreikuspena egiterakoan ez zirelako kontuan hartu Kataluniako egoerak sortutako "tentsioak". Hurrengo urterako hazkunde aurreikuspenari, ondorioz, "hamarrenen bat" kenduko diotela azaldu du.
