Lamarkaren ustez, ia ez dago iruzurrik laguntzetan

BILBO. Gizarte laguntzetan iruzurrak egon badaude, baina oso gutxi, «ikuskatze zerbitzuak oso ondo funtzionatzen duelako». Hala esan du Iñigo Lamarka EAEko arartekoak. Abenduan gizarte laguntza jasotzen zuten bi mila pertsonak eman zuten izena enplegu zerbitzuetan, Jaurlaritzak eskatuta. «Logikoa da laguntza jasotzen dutenak lanerako prest egotea», azaldu du.