Estampaciones Bizkaia Abadiñoko enpresako langile batzordeak deituta, 24 orduko lanuztea egin dute Juan Manuel Garcia Chicharro beharginaren (49 urte) heriotza salatzeko. Atzo zendu zen, lantokiko lan istripu batean, txatarraren makina paketatzaile batek harrapatuta. Azpikontratatutako Metso enpresako kidea zen.
Ezbehar berean beste behargin bat zauritu egin zen, 45 urteko gizonezko bat. Lesio larriak dauzka bi hanketan, eta Gurutzeta Barakaldoko erietxera eraman zuten, helikopteroan. Estampaciones Bizkaia langilea da hura.
Atzotik izan dira lanuztean Estampaciones Bizkaian, eta gaur eguerdian enpresaren aurrean bilkura egin dute.
