Gorabehera handirik gabe joan da apirila Europan, langabeziari dagokionez. Hala ikusten da Eurostat agentziak emandako datuei erreparatuta. EBko 28 estatuetako batez bestekoa hamarren bat jaitsi da —%8,7an kokatu da—, eta eurogunean lehengoan mantendu da, %10,2an.
2011ko abuztutik izan den mailarik onena da eurogunekoa, eta 2009ko apiriletik izan den onena EBkoa. Iazko apirilean %9,6koa zen langabezia EBn, eta %11koa eurogunean.
Datu horien arabera, EBn 21.224 lagun zeuden lanbabezian apirilean, eta horietako 16.420 eurogunean. Iaz baino 106.000 lagun gutxiago EBn, eta 63.000 eurogunean.
