Europako Batasunean euroa erabiltzen duten herrialdeetan langabezia %11,6ra igo zen irailean, Eurostatek gaur esan duenez. Abuztutik 0,1 puntu egin zuen gora. Estatu haietan, beraz, berriro goia jo du langabeziak.
Europako Batasuna osorik hartuz gero, berriz, lehengoan segitzen du: %10,6an.
Langabezia tasarik handiena Espainiako Estatuan dago: %25,8koa.
Euroa duten herrialdeak Alemania, Austria, Belgika, Zipre, Eslovakia, Eslovenia, Espainiako Estatua, Estonia, Finlandia, Frantziako Errepublika, Grezia, Irlanda, Italia, Luxenburgo, Malta, Herbehereak eta Portugal dira.
Euroa ez duten EBko beste herrialdeak: Bulgaria, Danimarka, Letonia, Lituania, Hungaria, Polonia, Txekia, Erresuma Batua, Errumania eta Suedia.
