Langabeziak behera egin du Hego Euskal Herrian

Hego Euskal Herrian langabezia tasa txikitu egin da azken hiruhilekoan, Espainiako Estatistika Institutuaren arabera. Hala, irailaren bukaeran aurreko hiruhilekoan baino 1.100 langabe gutxiago zeuden. EAEko langabezia tasa %9,98koa da, Nafarrokoa %12,45ekoa.

Gaur egun 142.800 langabe daude Hego Euskal Herrian.

Lana "egonkortzen"

Confebask patronalaren iritziz, langabeziaren beherakadak EAEko enplegua "egonkortzen" ari dela berresten du. "Oraindik lanaren indarberritzetik urrun gauden aurren, euskal lan merkatuko beherakadaren amaiera hurbil" dirudiela adierazi dute ohar baten bidez.

Datuak

Araba. Azken hiruhilekoan 14.700 langabe (aurreko hiruhilekotik -2.700, iazko hiruhilekotik -4.500).

Bizkaia. Azken hiruhilekoan 62.100 langabe (aurreko hiruhilekotik -4.600, iazko hiruhilekotik -7.400).

Gipuzkoa. Azken hiruhilekoan 27.500 langabe (aurreko hiruhilekotik +1.900, iazko hiruhilekotik -4.500).

Nafarroa. Azken hiruhilekoan 38.500 langabe (aurreko hiruhilekotik +4.400, iazko hiruhilekotik +6.500).

Hego Euskal Herria. Azken hiruhilekoan 142.800 langabe (aurreko hiruhilekotik -1.100, iazko hiruhilekotik -9.900).