Langile bat amiantoagatik gaixotu zela onartu dute

BILBO. Bizkaiko Lan Ikuskaritzak onartu du BBVAko argiketari bati amiantoak eragin ziola pleurako minbizia. 1968tik 2000 arte egin zuen lan bertan. CCOOk salatu du BBVAk Bilboko Kale Nagusiko egoitzan amiantoz estali zituela habeak, sabaiak eta igogailuen zuloak, baina argiketariak inolako babesik gabe lan egin zuela. Lan Ikuskaritzak diru laguntzak %50 handitzeko proposatu du.