Langile bat amiantoagatik hil dela ebatzi dute

GASTEIZ. Aceros de Llodio (Araba) enpresako langile ohi bat amiantoak kutsatuta hil zela ebatzi du Gasteizko epaitegi batek. 1960ko eta 70eko hamarkadetan enpresan prebentzio neurririk ez zegoela azaldu du epaiak. Eduardo S. V. duela bi urte zendu zen, 73 urterekin, eta 1966tik 1992ra arte aritu zen enpresan lanean. Alargunari kalte-ordaina ordaindu beharko dio enpresak.