44 urteko langile bat (Jesus G.) hil da gaur Arrigorriagan (Bizkaia), lan istripuan, kiroldegiko teilatutik erorita, hamar metroko altueratik. 9:15ean izan da ezbeharra. Ikara enpresan egiten zuen lan, Osalanek jakinarazi duenez, eta, arnesa jarria zeukan arren, segurtasuneko neurri bikoitzera lotu gabe zegoen.
LAB sindikatuaren arabera, lan istripuetan aurten Euskal Herrian zendu den 80. behargina da gaurkoa. Hilaren 31n hil zen aurrekoa, Mundakan (Bizkaia). Sindikatuek gaur elkarretaratzea egin dute Bermeon (Bizkaia), heriotza hori salatzeko. Iaz 129 langile hil ziren istripuetan, LABek dioenez.
Basaurin (Bizkaia), berriz, behargin bat larri zauritu da gaur. Kamioi gidaria da eta ibilgailua irauli ostean hartu du min. 8:30ean izan da ezbeharra, BI-625 errepidean. Ospitalera eraman dute gidaria.
Lan istripua
Langile bat hil da Arrigorriagan, lan istripuan
Kiroldegiko teilatutik erori da gaur goizean. 44 urte zeuzkan eta gizonezkoa da. Urteko 80. hildakoa da, LABen arabera.
Iruzkinak
Ez dago iruzkinik
Ordenatu
