Langile bat hil da gaur goizean Atarrabian (Nafarroa), Newark San Andres papergintza enpresan izandako istripuan. San Andres karrikan dago lantokia. Eñaut Labaien Zapirain (Hondarribia, Gipuzkoa; 33 urte) da hildakoa, arraunlari ohia. Bi ume zituen.
Nafarroako Gobernuak esan duenez, 11:49an izan da ezbeharra. Istripua ikertzen ari direla dio, baina ustez langile hura mantenu edo garbitze lanetan zebilela, eta azpikontratatutako enpresako kidea zela, ezNewark San Andresekoa.
Labaien hamahiru urte zituenetik egon zen Hondarribia Arraun Elkartean -azken hamar urteetan Ama Guadalupekoa ontzian-, eta 2007an, erretiratu zenean, urrezko harribitxia eman zion klubak.
LAB sindikatuaren arabera, gaurkoarekin aurten bederatzi euskal langile zendu dira lan istripuetan. Iaz hala 80 behargin hil zirela dio LABek, duela bi urte 125.
lan istripua
Langile bat hil da Atarrabian, lan istripuan
11:49an izan da ezbeharra, Newark San Andres papergintza enpresan. Eñaut Labaien 33 urteko hondarribitarra da hildakoa, arraunlari ohia.
Iruzkinak
Ez dago iruzkinik
Ordenatu
