Gaur goizean langile bat hil da Fustiñanan (Nafarroa). N-126 errepide bazterrean dagoen lubaki bat garbitzen ari zen, eta 10:30ean zuhaitz bat gainera erori zaio. Errepideko 13. kilometroan gertatu da ezbeharra, Tausteko kanaletik gertu. Foruzainak gertatutakoa ikertzen ari dira.
LAB sindikatuaren arabera gutxienez 51 dira lanean hildakoak aurten. Atzo garraiolari bat hil zen Eibarren (Gipuzkoa) istripu batean. Bereziki lazgarria izan zen urriaren 3ko astea lau egunean bost langile hil baitziren (hasieran lau ziren, baina zauritutako beste garraiolari bat ondoren hil zen).
