Langile bat hil da Mendigorrian

43 urteko igeltsero bat hil da gaur arratsaldean Mendigorrian, lanean ari zela hiru metroko altueratik erorita. Kolpearen ondorioz Nafarroako erietxera eraman dute, buruan zauritu larriekin, eta han zendu da. Biomendi etxaldean ari zen beharrean, eraikuntzan.

Hildakoa -F.J.L.L.-, espainiarra da, Ejea de los Caballeroskoa (Zaragoza).

LABen arabera, Euskal Herrian gaurkoarekin 61 langile hil dira lan istripuetan. Iaz 85 behargin hil ziren, duela bi urte 112, duela hiru 125.