Lan istripua
Langile bat hil da Vianan, Marbu gaileta lantegian
Vianako (Nafarroa) Marbu gaileta enpresako langile bat hil da bart goizaldean, makina batek azpian harrapatuta. 47 urteko C.A.H. da zendu den gizonezkoa, Biana bertakoa. Goizaldeko 04:30ak inguruan gertatu da ezbeharra, eta berehala mediku baten eta erizan bat lantegirano joan diren arren, ezin izan dute ezer egin C.A.H. bizirik ateratzeko.
Nafarroako Gobernuak jakinarazi duenez, goizaldek 04:30ak inguruan SOS Nafarroa zerbitzuan dei bat jaso dute, eta ezbeharraren berri eman diete. Marburen lantegira joan diren medikuak eta erizainak langilea hilda zegoela baieztatu besterik ezin izan dute egin. Halaber, Riojako suhiltzaileen laguntza behar izan dute gorpua makina azpitik ateratzeko.
Iruzkinak
Ez dago iruzkinik
Ordenatu
