41 urteko nekazari bat hil da gaur Zambranan, lanean ari zela Ceca Txulato nekazari kooperatibako horma bat gainera erorita, Eusko Jaurlaritzako Herrizaingo Sailak esan duenez.
Kooperatibak jakinarazi du bertako ate baten ondoan tabike bat mozten hasi denean erori zaiola horma. 13:45ean gertatu da ezbeharra, Real Zambrana kalean. Osalanek ikerketari ekin dio. "Eguraldi ona izan artean tabikea ez moztea erabaki genuen", adierazi dute Ceca Txulatoko iturriek.
Miranda Ebroko (Burgos, Espainia) bizilaguna zen hildakoa —gizonezkoa—. Nekazari kooperatiba hartako behargina zen duela urte eta erditik.
