Gaur eguerdian 44 urteko langile bat hil da Derion (Bizkaia), aldamio batetik erori denean. Beste behargin bat ere zauritu da eta Barakaldoko Gurutzetako ospitalera (Bizkaia) eraman dute zauriak artatzeko. Kultur etxea eraikitzeko lanetan ari ziren biak.
Eusko Jaurlaritzako Herrizaingo Sailak jakinarazi duenez, hildako gizonezkoa zazpi metroko zutabe batera hormigoia botatzen ari zen eta, igota zegoen aldamioa mugitu ostean, erori egin da. Portugalgo Ergolivre eraikuntza enpresarentzat lan egiten zuen.
LAB sindikatuaren arabera, aurten Euskal Herrian lan istripuetan hil den 64. behargina da gaurkoa. Iaz hala 125 zendu zirela dio LABek.
lan istripua
Langile bat zendu da Derion, aldamiotik erorita
44 urteko gizonezkoa da hildakoa. Beste behargin bat ere zauritu da eta Gurutzetako ospitalera eraman dute. Aurten Euskal Herrian lan istripuetan 64 lagun hil dira, LABen arabera.
Iruzkinak
Ez dago iruzkinik
Ordenatu
