Langile publikoei saria kentzeko legea, aurrera

IRUÑEA. Nafarroako Gobernuaren lege proiektuari Bilduk jarritako osoko zuzenketa atzera bota dute parlamentuan. Gobernuaren proposamenean, aurten langile publikoei Eguberrietako saria kentzea jasotzen da, eta 2013tik bi urtez sarien ordainketa urtarrilera eta azarora aurreratzea. Dena den, UPN gutxiengoan dago, oposizioak azaldu baitu neurri horren aurka dagoela.