Langileen ordezkaria kaleratu du Lazcozek

GASTEIZ. ELAren arabera, Patxi Lazcoz Gasteizko alkateak Begoña Vazquez kaleratu du, Udaleko langileen batzordeko presidente eta ELAko ordezkaria. Sindikatuak salatu du, «kaleratzea erakunde publiko baten askatasun sindikalaren aurkako eraso ezin larriagoa dela». Gasteizko PSE-EEri «jauntxokeriaz» jokatzea leporatu dio, baita lan harremanetan «diziplina militar moduko bat» ezarri nahi izatea ere.