Lanuzteak eta grebak iragarri dituzte Indar enpresan

Urriaren 27an eta 28an lau orduko lanuzteak egingo dituzte Indar konpainiaren lantegian, eta azaroaren 2, 3 eta 4an egun osoko grebak. "Bederatzi hilabetez negoziatzen jardun ondoren, ez da adostasunerako aukerarik ikusi", diote Beasaingo enpresako langileek agirian. "Ez enplegu politikan", salmentak igo ahala Beasaingo plantan kontrataziorik izan ez delako, "eta ez atal ekonomikoan ere", besteak beste ez delako soldata igoerarik izan, ezta txandengatiko plusik, hain gutxiago gaixotasun bajen konpentsaziorik ere. "Horregatik hartu dugu erabakia". Beharginen gehiengoa agertu da mobilizazioen alde langileen batzarrean: aldeko 380 boto izan dira, eta kontrako 90 (hamazazpi boto zuri eta hamar baliogabe).