Jon Peli Uriguen Gipuzkoako Landa Garapeneko diputatuak "Foru Gobernuaren konfidantza osoa dauka". Hala baieztatu du Larraitz Ugarte aldundiko bozeramaileak. Basogintzaren sektoreak, tartean bi sindikatu nagusiek, EHNEk eta ENBAk diputatuaren dimisioa eskatu zuten aurreko astean, Julian Unanue Mendiko eta Natura Inguruneko zuzendariaren kargugabetzearen harira.
Unanue sektoreko eragile gehienen konfidantzazkoa zen, eta Gipuzkoako Diputazioak alorrari begira planteamendu "oso biozentristak" dituela esan zuten sindikatu horiek, biek, eta GEBE Gipuzkoako baso elkarteko, AREFOR baso ustiaketen enpresen elkarteko, SECOMA Gipuzkoako zerrategien elkarteko eta Egurlandua Euskadiko egurraren bigarren eraldatzaileen elkarteko ordezkariek.
Dimisiorik ez da izango, ordea, Larraitz Ugarteren hitzei erreparatuz. "Diputazioaren baso estrategi erabat zehaztua dago", esan du kazetarien galderei erantzunez. "Akordioak egin ditugu, eta horietako batek edo bestek kezka eragin du sektorean". Horregatik, Ugarteren ustez, "ez dago arrazoirik Urigunek dimisioa emateko".
