Lehen aldia da Txinako burtsak itxiera ordua iritsi baino lehen itxi dituztela. Izan ere, 13:28ean itxi dituzte, ohi baino 32 minutu lehenago. Galera handiak izan dira horren erantzule: CSI 300 indizea %7 galtzera heldu da ordu horretan.
Shanghaikoak 242,52 puntu galdu ditu egun bakarrean, 3.296ra jausiz. Shenzhen indizeak, berriz, %8 galdu du, 11.630 puntuan geratuz. Egunean zehar ere ordu laurdeneko etena egin dute, baina ez da nahikoa izan galerak apaltzeko.
