Bertan behera utzi du Iñigo Urkulllu Eusko Jaurlaritzako lehendakariak bihar Martin Garitano Gipuzkoako ahaldun nagusiarekin egitekoa zuen bilera. Agenda arazoak direla-eta atzeratu du bilera. Ez dago data berririk oraingoz.
Garitanok eskatu zion bilera Urkulluri, Kutxabank aferari buruz hitz egiteko. Azken gertaerek erakusten dute, ahaldun nagusiaren aburuz, kudeaketa "iluna" izan dela Kutxabanken. Hala, berriro ere kutxen kontrol publikoa berreskuratzeko proposamena aurkeztu nahi dio lehendakariari. Garitanok 800 milioi euroko inbertsio funts bat abiatu nahi du, ekonomia bizkortu eta "enplegu duina" sortzeko.
Irailean Gipuzkoako Diputazioak eginiko propsamena da: Kutxa fundazio arrunt bihurtzeko proposamena. Kutxaren administrazio kontseiluak ez zuen onartu.
