Manifestazioa, erretiro adina atzeratzearen aurka

BILBO. CCOOk eta UGTk manifestazioa egingo dute otsailaren 27an, Bilbon, pentsio sistema aldatu eta erretiro adina atzeratzeko proposamenaren aurka. Deialdia gainerako sindikatu eta elkarteentzat ere «irekita» dagoela adierazi dute. «Langile guztion batasuna da erasoei aurre egiteko armarik eraginkorrena», diote bi sindikatuek.