Lan gatazka
Maria Cristina Hotelaren eta langileen arteko bitartekaritza lana utzi egin duela jakinarazi du Odon Elorzak
Donostiako Maria Cristina Hotelaren eta hango langilleen arteko bitartekari izateari utzi diola jakinarazi du gaur Odon Elorza Donostiako alkateak. Joan den astean, gatazkan dauden bi aldeak hurbiltzeko "egin ahala guztiak" egin zituela adierazi du Elorzak, baina alde batean zein bestean borondate eskasa sumatu zuela, eta aurrerapausurik egin ezinean geratu dela. Lan gatazka horri irtenbide iluna ikusten diola erantsi du.
Elorzak esan duenez, "indar eta dedikazio osoz" jardun zuen joan den astean Maria Cristina Hoteleko zuzendaritzaren eta lanuztean diren langileen artean akordio bat bilatu nahian, baina "alde baten zein bestearen erruz" ezinezkoa izan zitzaiola agertu du. "Gainditu egin nau egoerak, ez dut borondaterik ikusten ez alde batean, ez betean. Jada ez dakit zer egin, eta bitartekaritza lana albo batera utzi dut", esandu Radio Euskadin egin dioten elkarrizketan.
Iruzkinak
Ez dago iruzkinik
Ordenatu
