Goizaldeko ordu biak aldera piztu da sua. Lehen ikerketen arabera, lehorgailu batean tenperatura oso altuan lehortu duten arropak eragin du sua. Izan ere, lehorgailutik kanpora atera egin da sutan zegoen arropa; gas hodia ukitu, eta sutea pabiloi osora zabaldu da.
Lodosa, Tafalla eta Azkoiengo suhiltzaileak bertaratu direnerako, jada sua oso zabaldua zegoen, eta ezin izan dute pabiloi nagusia kiskaltzea eragotzi. Biltegiak su har zezan ahalegindu dira suhiltzaileak.
Bestalde, Galdakaoko beste pabiloi batean ere sutea izan da gauean. Ertzainek eta suhiltzaileek laster hartu dute mendean, eta ez du kalte handirik eragin. Sutea akats elektriko batek sortu duela uste dute.
