Arabako denda txikiek udako merkealdietan zuten esperantza jarria, udaberriko kanpaina "motelari" buelta emateko. Bada, larunbatean amaitzen dira merkealdiak, eta Arabako Merkataritza Federazioaren datuen arabera, denden salmentak ez dira onak izan. Galdetutako denden erdiek esan die iaz epe berean baino gutxiago saldu dutela, beste erdiek, berriz, salmentei eutsi ahal izan arren, irabaziak gutxitu egin direla.
Federazioak adierazi duenez, sektorearen egoera "oso kezkagarria" da, eta "etsigarria" ere bai zenbait kasutan: "Kontsumoa bultzatzeko neurriak hartzen ez badira urte dramatiko baten aurrean gaude".
