Metalean lan baldintza malguak nahi ditu Adegik

DONOSTIA. Metalean, merkatuaren beharretara egokitzeko aukerak ematen dituen lan ituna nahi du Adegik, krisitik irteteko bide bakarra hori delakoan. Hori hala, datozen hiru urteetan soldatak izoztuta mantentzea eta urtean 16 ordu gehiago lan egitea proposatu die sindikatuei. Sindikatu guztiek baztertu dute patronalaren proposamena. Soldata igoera eskatu dute guztiek.