Mozambikek aske utzi du Bermeoko atunontzia

MAPUTO. Astearte iluntzeaz geroztik aske dago Bermeoko Txori Argi atunontzia. Ontziaren jabeak, Inpesca enpresak, banku abal bat eman behar izan dio Mozambikeko Gobernuari, hark jarritako 927.000 euroko isuna pagatuko diola frogatzeko. Txori Argi hilaren 14tik Nacalako portuan eduki dute, Mozambikeko uretan legez kanpo arrantzan ari zela egotzita. Ontzijabeak gezurtatu egin du hori, eta iragarri du isuna baliogabetzen saiatuko dela.