Nafarroako Ogasunak bihar igorriko ditu pagatzera atera diren errenta eta ondare zergaren aitorpenen bigarren zatiak. Guztira 82.000 errenta aitorpen dira, eta aurreikuspena da 58,66 milioi euro biltzea. Gainera, ogasunak ondare zergaren bigarren zatiaren emaitzak bidaliko dizkie beste 6.000 zergapekori. Horri esker, 22,38 milioi euro bilduko ditu ogasunak.
323.698 aitorpen aurkeztu dira 2014ko errenta aitorpenaren kanpainan; horietattik %72 itzultzekoak izan dira, eta %28, pagatzekoak. Jasotzea atera zaien gehienek jaso dute dagokiena, %96,45ek, hain zuzen (183,63 milioi euro).
