Nafarroako Estatistika Institutuak emandako datuek urteko lehen hiruhilekoan izandako hazkundea berretsi dute. Urtarriletik martxora bitartean, Nafarroako BPGa %0,6 handitu zen; apiriletik ekainera, %1. Urte arteko tasak ere Nafarroako ekonomiaren susperraldia erakusten dute; %2,8 hazi da urtebetean.
Estatistika institutuaren arabera, hazkunde hori industriak bultzatu du, batez ere. Eraikuntza sektorean ere hobekuntza igarri dute, hala ere, eta esportazioek ere gora egin dutela nabarmendu dute.
Bestalde, INEk Espainiako BPGaren datuak eman ditu. Azken hilabeteetako joerari eutsiz, %1 handitu da BPGa, aurreko hiruhilekoarekin alderatuta.
