Naturgas Energia enpresak 136 milioi euro irabazi ditu 2011n, aurreko urtearen bikoitza —68 milioi euro izan ziren—.
Manuel Menendez enpresako presidenteak gaur goizean jakinarazi ditu datuak, eta "oso onak" direla onartu du. Aurten kopuru hori lortzera ezin dela konprometitu gaineratu du, gaur egungo egoera ekonomikoa aintzat hartuta.
Enpresaren fakturazioak 1.500 milioiak gainditu zituen lehenengoz, eta %19ko igoera dakar horrek. Ustiapenaren emaitza gordina (Ebitda) 203 milioi eurokoa izan da, 2010ean baino %16 gehiago.
