Navaleko langileen batzarrak ez du bozkatu plana

Iskanbila askotxo bai, baina bozketarik ez zen izan atzo Navaleko langileen batzarrean. Sindikatuek ere irakurketa kontrajarria egin zuten. CCOOren arabera, langile «gehienek» bat egin zuten berak sinatu duen itunarekin, «ulertu baitute onena zela ontziolari geroa ziurtatzeko». ELAk, ostera, zabaldu zuen langileen gehiengoak bere haserrea adierazi zuela. Ehunka langilek manifestazioa egin zuten.