Norvegiak %4 gutxitu du petrolio ekoizpena

Oslo. Laugarren urtez jarraian behera egin du Norvegiako petrolio ekoizpenak. Egunean 2,11 milioi upel ekoitzi zituen iaz, aurreko urtean baino %4 gutxiago. Ipar Itsasoko putzuak agortzen ari direnez, hurrengo urteotan ekoizpena gehiago jaistea espero dute. Gas produkzioak, ostera, %10,8 egin zuen gora, 99.300 milioi metro kubikora arte.