Nueva Rumasak hiru hil ditu zorrak negoziatzeko

MADRIL. Ruiz-Mateos familiaren enpresa taldeak zordunen konkurtsora jotzea erabaki du. Nueva Rumasak hiru hilabete izango ditu zorren ordainketa epeak berriro negoziatzeko. Gizarte Segurantzari, bankuei eta hornitzaileei dirua zor die taldeak. Azken urteotan herritarren aurrezkia biltzen aritu da, errentagarritasun handia eskainita. Rayo Vallecano futbol taldea, Clesa, Duhl, Elgorriaga, Garvey eta beste bost enpresari eragiten die prozesuak.